Quatrains "extras"

Q. VII.43
Lors qu'on verra les deux licornes
L'une baissant, l'autre abaissant,
Monde au milieu, pilier aux bornes
S'en fuira le neveu riant.

Q. VII.44
Alors qu'un bour fera fort bon,
Portant en soy les marques de justice,
De son sang lors portant son nom
Par fuite injuste receura son supplice.

Q. VII.73 (Presage Feurier 1561)
Renfort de sieges manubis & maniples
Changez le sacre & passe sur le prosne,
Prins & captifs n'arreste les prez triples
Plus par fonds mis esleué, mis au trosne.

Q. VII.80 (Presage Septembre 1561)
L'Occident libre les Isles Britanniques
Le recogneu passer le bas, puis haut
Ne content triste Rebel corss. Escotiques
Puis rebeller par plus & par nuict chaut.

Q. VII.82 (Presage Nouembre 1561)
La stratageme simulte sera rare
La mort en voye rebelle par contrée:
Par le retour du voyage Barbare
Exalteront la protestante entrée.

Q. VII.83 (Presage Decembre 1561)
Vent chaud, conseil pleurs, timidité,
De nuict au lict assailly sans les armes:
D'oppression grande calamité,
L'epithalame conuerty pleurs & larmes.
 

Q. VIII.1bis
Seront confus plusieurs de leurs attente,
Aux habitans ne sera pardonné:
Qui bien pensoient perseuerer l'attente,
Mais grand loisir ne leur sera donné.

Q. VIII.2bis
Plusieurs viendront, & parleront de paix,
Entre Monarques & seigneurs bien puissans:
Mais ne sera accordé de si prés,
Que ne se rendent plus qu'autres obeissans.

Q. VIII.3bis
Las quelle fureur helas quelle pitié,
Il y aura entre beaucop de gens:
On ne vit onc vne telle amitié,
Qu'auront les loups à courir diligens.

Q. VIII.4bis
Beaucoup de gens voudront perlementer,
Aux grands seigneurs qui leur feront la guerre:
On ne voudra en rien les escouter,
Helas! si Dieu n'enuoye paix en terre.

Q. VIII.5bis
Plusieurs secours viendront de tous costez,
De gens loingtains qui voudront resister:
Ils seront tout à coup bien hastez,
Mais ne pourront pour ceste heure assister.

Q. VIII.6bis
Las quel desir ont Princes estrangers,
Garde toy bien qu'en ton pays ne vienne:
Il y auroit de terribles dangers
Et en maintes contrées, mesme en la Vienne.

Q. XI.91

Meysnier, Manthi, & le tiers qui viendra,
Peste & nouueau insult, enclos troubler:
Aix & les lieux fureur dedans mordra,
Pius les Phocens viendront leur mal doubler.

Q. XI.97
Par ville franche, Mascon en desarroy.
Dans les fagots seront soldats cachez:
Changer de temps en prime pour le Roy,
Par de Chalon & Moulins tous hachez.

Q. XII.5

Feu, flamme, faim, furt, farouche, fumée,
Fera faillir, froissant fort, foy faucher:
Flis de Denté. toute Prouence humée,
Chassé de regne. enragé sans cracher.

Q. XII.24
Le grand secours venu de la Guyenne,
S'arrestera tout aupres de Poictiers:
Lyon rendu par Mont Luel & Vienne,
Et saccagez par tout gens de mestiers.

Q. XII.36
Assault farouche en Cypre se prepare,
La larme à l'oeil, de ta ruine proche:
Byzance classe, Morisque si grand tare,
Deux differents. le grand vast par la roche.

Q. XII.52
Deux corps. vn chef. champs diuisez en deux,
Et puis respondre à quatre non ouys:
Petits pour Grands. apertius mal pour eux,
Tour d'Aigues foudre. pire pour Eussouis.

Q. XII.55
Tristes conseils, desloyaux, cauteleux,
Aduis meschant. la Loy sera trahie:
Le peuple esmeu, farouche, querelleux,
Tant bourg que ville. toute la paix haie.

Q. XII.56
Roy contre Roy & le Duc contre Prince,
Haine entre iceux, dissension horrible:
Rage & fureur sera toute prouince,
France grand guerre & changement terrible.

Q. XII.59
L'accord & pache sera du tout rompuë:
Les amitiez pollues par discorde:
L'haine enuiellie, toute foy corrompuë,
Et l'esperance. Marseille sans concorde.

Q. XII.62
Guerres, debats, à Blois guerre & tumulte,
Diuers aguets, adueux inopinables:
Entrer dedans Chasteau Trompette, insulte,
Chasteau du Ha, qui en seront coulpables.

Q. XII.65
A tenir fort par fureur contraindra,
Tout coeur trembler. Langon aduent terrible:
Le coup de pied mille pieds se rendra,
Guirond. Guaron, ne furent plus horribles.

Q. XII.69
EIOVAS proche esloigner, lac Leman,
Fort grands apprests, retour, confusion:
Loin des nepueux, du feu grand Supelman,
Tous de leur suyte.

Q. XII.71
Fleuues, riuieres de mal seront obstacles,
La vielle flame d'ire non appaisée:
Courir en France. cecy comme d'oracles,
Maisons, manoirs, Palais, secte rasée.