Presages

1

D'Esprit diuin l'ame presage atteinte,
Trouble, famine, peste, guerre courir:
Eaux, siccitez, terre & mer de sang teinte,
Paix, tresue, à naistre Prelats, Princes mourir.

2 1555
La mer Tyrrhene, l'Occean par la garde,
Du grand Neptun & ses tridens soldats:
Prouence seure par la main du grand Tende,
Plus Mars Narbon l'heroiq de Vilars.

3 1556 Ianuier.
Le gros airain qui les heures ordonne,
Sur le trespas du Tyran cassera:
Pleurs, plaintes & cris, eaux, glace pain ne dône
V. S. C. paix, l'arme passera.

4 1556 Feburier.
Prés du Leman la frayeur sera grande,
Par le conseil, cela ne peut faillir:
Le nouueau Roy fait apprester sa bande,
Le ieune meurt faim, poeur fera saillir.

5 1556 Mars.
O Mars cruel, que tu seras à craindre,
Plus est la Faux auec l'Argent conioint:
Classe, copie. eau, vent l'ombriche craindre,
Mer terre trefue. L'amy à L. V. s'est ioint.

6 1556 Auril.
De n'auoir garde seras plus offensé,
Le foible fort, l'inquiet pacifique:
La faim on crie. le peuple est oppressé,
La mer rougit, le Long fier & inique.

7 1556 May.
Le cinq, six, quinze, tard & tost l'on seiourne,
Le né sans fin: les citez reuoltées:
L'heraut de paix vint & trois s'en retourne,
L'ouuert cinq serre. nouuelles inuentées.

8 1556 Iuin.
Loin prés de l'Vrne le malin tourne arriere,
Qu'au grand Mars feu donra empeschement:
Vers l'Aquilon au midy la grand fiersl,
FLORA tiendra la porte en pensement.

9 1556 Iuillet.
Huit, quinze & cinq quelle desloyauté.
Viendra permettre l'explorateur malin:
Feu du ciel foudre. poeur, frayeur Papauté,
L'Occident tremble. trop serre vin Salin.

10 1556 Aoust.
Six, douze, treze, vint parlera la Dame,
Laisné sera par femme corrompu:
Dijon, Guyenne gresle, foudre l'entame,
L'insatiable de sang & vin repeu.

11 1556 Septembre.
Pleurer le ciel. à il cela faict faire,
La mer s'appreste. Annibal fait ses ruses:
Denys mouille. classe tarde. ne taire,
Na sçeu secret. & à quoy tu t'amuses.

12 1556 Octobre.
Venus Neptune poursuiura l'entreprinse,
Serrez pensifs. troublez les opposans:
Classe en Adrie. citez vers la Tamise,
Le quart bruit blesse de nuict les reposans.

13 1556 Nouembre.
Le grand du ciel soubs la Cape donra,
Secours. Adrie à la porte faict offre:
Se sauuera des dangers qui pourra,
La nuict le Grand blessé poursuit le coffre.

14 1556 Decembre.
La porte exclame trop frauduleuse & feinte,
La geule ouuerte, condition de paix:
Rosne au cristal. eau, neige, glace teinte,
La mort, mort, vent. par pluye cassé faix.

15 1557 Ianuier.
L'indigne orné craindra la grand fornaise,
L'esleu premier, des captifs n'en retourne:
Grand bas du monde, L'Irale non alaise,
Barb. Ister, Malte. Et le Buy ne retourne.

16 1557 May.
Conioint icy, au ciel appert depesche,
Prise, laissée. mortalite non seure:
Peu pluye, entrée. le ciel la terre seche,
De fait, mort, pris, arriué à mal heure.

17 1557 Iuin.
Victor naual à Houche, Anuers diuorce,
Né grand, du ciel feu, tremblement haut brule:
Sardaigne bois, Malte, Palerme, Corse,
Prelat mourir, l'vn frape sus la Mule.

18 1557 Iuillet.
L'heraut errant du chien au Lion tourne,
Feu ville ardra, pille, prise nouuelle:
Decouurir fustes. Princes pris, on retourne,
Explor, pris Gall. au grand iointe pucelle.

19 1557 Aoust.
De la grand Cour banni. conflit, blessé,
Esleu. rendue. accusé, mat. mutins:
Et feu cité Pyr, eaux, venins, pressé
Ne voguer onde, ne facher les latins.

20 1557 Septembre
Mer, terre aller. foy, loyauté rompuë,
Pille, naufrage. à la cité tumulte:
Fier, cruel acte. ambition repeuë,
Foible offensé le chef du fait inulte.

21 1557 Octobre.
Froid, grand deluge. de regne dechassé,
Niez, discord. Trion Orient mine:
Poison. mis siege. de la Cité chassé,
Retour felice. neuue secte en ruine.

22 1557 Nouembre.
Mer close, monde ouuert, cité renduë,
Faillir le Grand. esleu nouueau grand brume:
Floram patere , entrer camp. foy rompuë,
Effort fera seuere à blanche plume.

23 1557 Decembre.
Tutelle à Veste. guerre meurt, translatée,
Combat naual. honneur. mort. prelature:
Entrée decez. France fort augmentée,
Esleu passé, venu à la mal'heure.

24 1558 Ianuier.
Puisné Roy fait funebre epithalame,
Sacrez esmeus festins, ieux, soupi Mars:
Nuit larme on crie. hors on conduit la Dame,
L'arrest & pache rompu de toutes pars.

25 1558 Mars.
Vaine rumeur dedans la hierarchie,
Rebeller Gennes: courses, insults, tumultes:
Au plus grand Roy sera la monarchie,
Election. conflit, couuerts, sepultes.

26 1558 Auril.
Par la discorde defaillir au defaut,
Vn tout à coup le remettra au sus:
Vers l'Aquilon seront les bruits si haut,
Lesions, pointes à trauers, par dessus.

27 1558 May.
La mer Tyrrhene de differente voile.
Par l'Ocean seront diuers assaults:
Peste, poison, sang en maison de toile,
Presults, Legats esmeus marcher mer haut.

28 1558 Iuin.
Là ou la foy estoit sera rompue,
Les ennemis les ennemis paistront:
Feu ciel pleuura, ardra, interrompue,
Nuit entreprise. Chefs querelles mettront.

29 1558 Iuillet.
Guerre, tonnerre, maints champs depopulez,
Frayeur & bruit, assault à la frontiere:
Grand Grand failli. pardon aux Exilez,
Germains, Hispans. par mer Barba. banniere.

30 1558 Aoust.
Bruit sera vain. les defaillans troussez,
Les Razes pris: esleu le Pempotan:
Faillir deux Rouges & quatre bien croisez,
Pluye empeschable au Monarque potent.

31 1558 Octobre.
Pluye, vent, classe Barbare Ister. Tyrrhene,
Passer holocades Geres, soldats munies:
Reduits bien faicts par Flor. franchie Sienne,
Les deux seront morts, amitiez vnies.

32 1558 Nouembre.
Venus la belle entrera dedans FLORE,
Les Exilez secrets lairront la place:
Vefues beaucoup. mort de Grand on deplore,
Oster du regne. le Grand Grand ne menace.

33 1558 Decembre.
Ieux, festins, nopces. mort Prelat de renom,
Bruit, paix de trefue pendant l'ennemy mine:
Mer, terre & ciel bruit. fait du grand Brennon,
Cris or, argent. l'ennemi l'on ruine.

34 1559 Sur ladicte annee.
Poeur, glas grâd pille. passer mer, croistre regne,
Sectes, Sacrez outre mer plus polis:
Peste, chaut, feu, Roy d'Aquilon l'enseigne,
Dresser trophée. cité d'HENRIPOLIS

35 1559 Ianuier.
Plus le Grand n'estre. pluye. au char, le cristal.
Tumulte esmeu. de tous biens abondance:
Razez, Sacrez, neufs, vieux espouuental,
Esleu ingrat. mort, plaint, ioye, alliance.

36 1559 Feburier.
Grain corrompu. air pestilent. locustes,
Subit cherra. noue nouuelle naistre:
Captifs ferrez. legers, haut bas, onustes,
Par ses os mal qu'à Roy n'a voulu estre.

37 1559 Mars.
Saisis au temple, par sectes longue brigue,
Esleu raui au bois forme querelle:
Septante pars naistre nouuelle ligue,
De la leur mort. Roy appaisé nouuelle.

38 1559 Auril.
Roy salué Victeur, Impereateur,
La foy faussée. le Royal fait congnu:
Sang Mathien. Roy fait supereatur,
De gent superbe humble par pleurs venu.

39 1559 May.
Par le despit nopces, epithalame,
Par les trois parts Rouges, Razez partis:
Au ieune noir remis par flamme l'ame,
Au grand Neptune Ogmius conuertis.

40 1559 Iuin.
De maison sept par mort mortelle suite,
Gresle, tempeste. pestilent mal, fureurs:
Roy d'Orient d'Occident tous en fuite,
Subiuguera ses iadis conquereurs.

41 1559 Iuillet.
Predons pillez chaleur, grand seicheresse,
Par trop non estre. cas non veu, inoui:
A l'estranger la trop grande caresse,
Neuf pays Roy. l'Orient esblouy.

42 1559 Aoust.
L'Vrne trouuée. la cité tributaire,
Champs diuisez. nouuelle tromperie:
L'Hispan blessé. faim, peste, militaire,
Moq obstiné, confus. mal, resuerie.

43 1559 Septembre.
Vierges & vefues, vostre bon temps s'approche,
Point ne sera ce que l'on pretendra:
Loin s'en faudra que soit nouuelle approche,
Bien aisez pris. bien remis. pis tiendra.

44 1559 Octobre.
Icy dedans se paracheuera,
Les trois Grâds hors le BON BOVRG sera loing:
Encontre d'eux l'vn d'eux conspirera,
Au bout du mois on verra le besoin.

45 1559 Nouembre.
Propos tenuz, nopces recommencées,
La Grande Grande sortira hors de France:
Voix à Romagne de crier non lassée,
Reçoit la paix par trop feinte asseurance.

46 1559 Decembre.
La ioye en larmes viendra captiuer Mars,
Deuant le Grand seront esmeus Diuins:
Sans sonner mot entreront par trois pars,
Mars assoupi. dessus glas troutent vins.

47 1560 Ianuier.
Iournée, diete, interim, ne concile,
L'an paix prepare, peste, faim schismatique:
Mis hors dedans. changer ciel, domicile,
Fin du congé. reuolte hierachique.

48 1560 Feburier.
Rompre diete. lantiq sacré rauoir,
Dessoubz les deux. feu par pardon s'ensuiure:
Hors d'armes Sacre: long Rouge voudra auoir,
Paix du neglect. l'Esleu le Vefue viure.

49 1560 Mars.
Fera paroir esleu de nouueauté,
Lieu de iournée. sortir hors des limites:
La bonté fainte de changer cruauté,
Du lieu suspect sortiront trestous viste.

50 1560 Auril.
Du lieu esleu Razes n'estre contens,
Du lac Leman conduite non prouuée:
Renouueller on fera le vieil temps,
Espeuillera la trame tant couuée.

51 1560 May.
Pache Allobrox sera interrompu,
Derniere main fera forte leuée:
Grand coniuré ne sera corrompu,
Et la nouuelle alliance approuuée.

52 1560 Iuillet.
Longue crinite leser le Gouuerneur,
Faim, fieure ardante, feu & de sang fumée:
A tous estats Iouiaux grand honneur,
Sedition par Razes allumée.

53 1560 Aoust.
Peste, faim, feu & ardeur non cessée,
Foudre, grand gresle temple du ciel frapé:
L'edit, arrest, & grieue loy cassée,
Chef inuenteur ses gens & luy hapé.

54 1560 Septembre.
Priués seront Razes de leurs harnois,
Augmentera leur plus grande querelle:
Pere Liber deceu fulg. Albonois,
Seront rongées sectes à la moelle.

55 1560 Octobre.
Sera receuë la requeste decenté,
Seront chassez & puis remis au sus:
La Grande Grande se trouuera contente,
Aueugles, sourds seront mis au dessus.

56 1560 Nouembre.
Ne sera mis. les Nouueaux dechassez.
Noir & de LOIN & le Grand tiendra fort:
Recourir armes. Exilez plus chassez,
Chanter victoire. non libres reconfort.

57 1560 Decembre.
Les deuils laissez, supremes alliances,
Raze Grand mort. refus fait en à l'entrée:
De retour estre bien fait en oubliance,
La mort du iuste à banquet perpetrée.

58 1561 Sur ladicte annee.
Le Roy Roy n'estre. du Doux la mernicie,
L'an pestilent. les esmeus nubileux:
Tien' qui tiendra des grands non letitie:
Et passera terme da cauilleux.

59 1561 Mars.
Au pied du mur le cendré cordigeré,
L'enclos liuré foulant caualerie:
Du temple hors Mars & le Falcigeré,
Hors. mis, demis. & sus la resuerie.

60 1561 Auril.
Le temps purgé, pestilente tempeste,
Barbare insult. fureur, inuasion:
Maux infinis par ce mois nous appreste,
Et les plus Grands, deux moins, d'irrision.

61 1561 May.
Ioye non longue, abandonné des siens,
L'an pestilent, le plus Grand assailli:
La Dame bonne aux champs Elysiens,
Et la plus part des biens froid non cueilly.

62 1561 Iuin.
Courses de LOIN, ne s'apprester conflits,
Triste entreprise. l'air pestilent, hideux:
De toutes parts les Grands seront afflits,
Et dix & sept assaillir vint & deux.

63 1561 Iuillet.
Repris, rendu. espouuenté du mal,
Le sang par bas, & les faces hideuses:
Aux plus sçauants l'ignare espouuental,
Porte, haine, horreur. tomber bas la piteuse.

64 1561 Aoust.
Mort & saisi. des nonchelans le change,
S'eslongnera en s'approchant plus fort:
Sarrez vnis en la ruine, grange,
Par secours long estonné le plus fort.

65 1561 Octobre.
Gris, blancs & noirs, enfumez & froquez,
Seront remis, demis, mis en leurs sieges
Les rauaisseurs se trouueront mocquez,
Et les Vestales serrées fortes riegges.

66 1562 Sur ladicte annee.
Saison d'hiuer. ver bon, sain. mal ésté,
Pernicieux auton, sec, froment rare:
Du vin assez. mal yeux. faits. molesté,
Guerre, mutin. seditieuse tare.

67 1562 Ianuier.
Desir occult pour le bon paruiendra,
Religion, paix, amour & concorde:
L'epithalame du tout ne s'accordra,
Les haut qui bas, & haut mis à la corde.

68 1562 Feburier.
Pour Razes Chef ne paruiendra à bout,
Edicts changez, les serrez mis au large:
Mort Grand trouué. moins de foy. bas debout
Dissimulé, transi frappé à bauge.

69 1562 Mars.
Esmeu de LOIN, de LOIN prés minera,
Pris, captiué. pacifié par femme:
Tant ne tiendra comme on barginera,
Mis non passez, oster de rage l'ame.

70 1562 Auril.
De LOIN viendra susciter pour mouuoir,
Vain descouuert contre peuple infini:
De nul cogneu le mal pour le deuoir,
En la cuisine trouué mort & fini.

71 1562 May.
Rien d'accordé. pire plus fort & trouble,
Comme il estoit. terre & mer tranquiler:
Tout arresté ne vaudra pas vn double,
Dira l'iniq, Conseil d'anichiler.

72 1562 Iuin.
Portenteux fait, horrible & incroiyable,
Typhon fera esmouuoir les meschans:
Qui puis apres soustenus par le cable,
Et la plus part exilez sur les champs.

73 1562 Iuillet.
Droit mis au throsne du ciel venu en France,
Pacifié par Vertu l'Vniuers:
Plus sage espandre. bien tost tourner change,
Par les oyseaux, par feu, & non par vers.

74 1562 Aoust.
Les coulorez, les Sacres malcontens,
Puis tout à coup par Androgyns alegres:
De la plus part voir, non venu le temps,
Plusieurs d'être eux ferôt leurs soupes maigres.

75 1562 Septembre.
Remis seront en leur pleine puissance,
D'vn point d'accord conioints, non accordez:
Tous defiez. plus aux Razes fiance,
Plusieurs d'entre eux à bande debordez.

76 1562 Octobre.
Par le legat du terrestre & marin,
La grande Cape à tout s'accommoder:
Estre à l'escoute tacite LORVARIN,
Qu'à son aduis ne voudra accorder.

77 1562 Nouembre.
D'ennemi vent empeschera la troupe,
Le plus grand point mis auant difficil:
Vin de poison se mettra dans la couppe,
Passer sans mal de cheual gros foussil.

78 1562 Decembre.
Par le christal l'entreprise rompuë.
Ieux & festins. de LOIN plus reposer:
Plus ne fera prés des Grands sa repue,
Subit catharrhe l'eau beniste arrouser.

79 1563 Sur ladicte annee.
Lever sain, sang, mais esmeu. rien d'accord,
Infinis murtres. captifs, morts, preuenus:
Tant d'eau & peste. peu de tout. sonnez cors,
Pris, morts, fuits, grands deuenir, venus.

80 1563 Ianuier.
Tant d'eau, tant morts, tât d'armes esmouuoir,
Rien d'accordé. le Grand tenu captifs:
Que sang humain, rage, fureur n'auoir:
Tard penitent peste. guerre motif.

81 1563 Feburier.
Des ennemis mort de langue s'approche,
Le Debonnaire en paix voudra reduire:
Les obstinez voudront perdre la proche,
Surpris, captifs, & suspects fureur nuire.

82 1563 Mars.
Peres & meres morts de deuls infinis,
Femmes à deul. la pestilente monstre:
Le Grand plus n'estre. tout le monde finir,
Soubz paix, repos. & trestous allencontre.

83 1563 Auril.
En debats Princes & Chrestienté esmeuë,
Gentils estranges. siege à CHRIST molesté:
Venu tresmal. prou bien. mortelle veuë.
Mort Orient peste, faim, mal traité.

84 1563 May.
Terre trembler. tué. prodige. monstre,
Captifs sans nombre. faire defaite, faite:
D'aller sur mer aduiendra malencontre,
Fier contre fier mal fait de contrefaire.

85 1563 Iuin.
L'iniuste bas fort l'on molestera,
Gresle, inonder, thresor, & graué marbre:
Cehf de suard peuple à mort tuera,
Et attachée sera la lame à l'arbre.

86 1563 Iuillet.
De quel non mal? inexcusable suite,
Le feu non deul. le Legat hors confus:
Au plus blessé ne sera faite luite,
La fin de Iuin le fil coupé du fus.

87 1563 Aoust.
Bons finement affoiblis par accords,
Mars & Prelats vnis n'arresteront:
Les Grands confus par dons incidez corps,
Dignes indignes biens indues saisiront.

88 1563 Septembre.
De bien en mal le temps se changera,
Le pache d'Aust. des plus Grands esperance:
Des Grands deul LVIS trop plus trebuchera,
Congnus Razez pouuoir ni congnoissance.

89 1563 Octobre.
Voicy le mois par maux tant à doubter,
Mors, tous seigner peste, faim, quereller:
Ceux du rebours d'exil viendront noter,
Grands, secrets, morts, non de contreroller.

90 1563 Nouembre.
Par mort mort mordre, conseil, vol. pestifere,
On n'osera Marins assaillir:
Deucalion vn dernier trouble faire,
Peu de gens ieunes: demy morts tressaillir:

91 1563 Decembre.
Mort par despit fera les autres luire,
Et en haut lieu de grands maux aduenir:
Tristes concepts à chacun viendront nuire,
Temporel digne. la Messe paruenir.

92 1564 Sur ladicte annee.
L'an sextil pluyes froment abonder. haines,
Aux hommes joye. Princes Rois en diuorce:
Troupeau perir. mutations humaines,
Peuple affoulé: & poison soubs l'escorce.

93 1564 Ianuier.
Temps fort diuers, discorde descouuerte,
Conseil belliq. changement pris, changé:
La Grande n'estre. coniurez par eau perte,
Grand simulté. tous au plus Grand rangé.

94 1564 Feburier.
Deluge grand. bruit de mort conspirée,
Renoue siecle. trois Grands en grand discord:
Par boutfeux la concorde empirée,
Pluy empeschant conseils malins d'accord.

95 1564 Mars.
Entre Rois haines on verra apparoistre,
Dissensions & Guerres commencer:
Grâds Changemêt. nouueau tumulte croistre,
L'ordre plebée on viendra offenser.

96 1564 Auril.
Secret coniur. conspirer populaire,
La descouuerte en machine esmouuoir:
Contre les Grands,
Puis trucidee & mise sans pouuoir.

97 1564 May.
Temps inconstant. fieures, peste, langueurs,
Guerres, debats. temps desolé sans feindre:
Submersions. Prince à mineurs rigueurs,
Felices Rois & Grands, autre mort craindre.

98 1564 Iuin.
Du lieu soumis la peste & fuite naistre,
Temps variant. vent. la mort de trois Grands:
Du ciel grands foudres. estat des Razes paistre,
Vieil prés de mort bois peu dedans vergans.

99 1564 Iuillet.
En peril monde & Rois feliciter,
Razes esmeu. par conseil ce qu'estoit
L'Eglise Rois pour eux peuple irriter,
Vn monstrera apres ce qu'il n'estoit.

100 1564 Aoust.
Deluge prés. peste bouine. neuue.
Secte flechir. aux hommes ioye vaine:
De loy sans loy. mis au deuant pour preuue,
Apast, embusche: & deceus couper veine.

101 1564 Septembre.
Tout inonder. à la Razée perte,
Vol de mur, mort. de tous biens abondance:
Eschapera par manteau de couuertes,
Des neufs & vieux sera tournée chance.

102 1564 Octobre.
La bouche & gorge en feruides pustules,
De sept Grands cinq. toux distillante nuire:
Pluye si longue. à non mort tournent bulles,
Le Grand mourir, qui trestous faisoit luire.

103 1564 Nouembre.
Par bruit de feu Grands & Vieux defaillir.
Peste assoupie. vne plus grande naistre:
Peste de l'Ara. foin caché, peu ceuillir,
Mourir troupeau fertil. ioye hors prestre.

104 1564 Decembre.
Alegre point. douce fureur au Sacre,
Enflez trois quatre & au costé mourir:
Voye defaillir, n'estre à demy au sacre,
Par sept & trois, & par quinte courir.

105 1565 Sur ladicte annee.
Pire cent fois cest an que l'an passé,
Mesme au plus Grands du regne & de l'Eglise:
Maux infinis, mort, exil, ruine, cassé,
A mort Grande estre. peste, playes & bille.

106 1565 Ianvier.
Neiges, rouillures, pluyes & playes grandes,
Au plus Grands ioye, pestilence insopie:
Semences, grains beaucoup, & plus de bandes,
S'appresteront, simulté n'amortie.

107 1565 Feburier.
Entre les Grands naistre grande discorde,
Le Clerc procere vn grand cas brassera:
Nouuelles sectes mettre en haine & discorde,
Tout peuple guerre & change offensera.

108 1565 Mars.
Secret coniur, changemet perilleux,
Secrettement conspirer factions:
Pluyes, grands vents. playes par orgueilleux,
Inonder flumes. pestifere actions.

109 1565 Auril.
Pulluler peste. les Sectes s'entrebatre,
Temps moderé l'hyuer peu de retour:
De messe & presche grieuement soy debattre,
Inonder fleuues. maux, mortels tout autour.

110 1565 May.
Au menu peuple par debats & querelles,
Et par les femmes & defunts grande guerre:
Mart d'vne Grande. celebrer escrouëlles,
Plus grandes Dames expulsées de terre.

111 1565 Iuin.
Viduité tant masles que femelles,
De grands Monarques la vie pericliter:
Peste, fer, faim. grand peril pesle mesle,
Troubles par changes. petits Grands conciter.

112 1565 Iuillet.
Gresle, rouïlleure, pluyes & grandes playes,
Preseruer femmes, seront cause du bruit:
Mort de plusieurs peste, fer, faim par hayes,
Ciel sera veu quoy dire qu'il reluit.

113 1565 Aoust.
Point ne sera le grain à suffisance,
La mort s'approche à neiger plus que blanc:
Sterilité, grain pourri. d'eau bondance,
Le grand blessé. plusieurs de mort de flanc.

114 1565 Septembre.
Guere de fruits, ni grain, arbres & arbrisseaux,
Grand volataille, procere stimuler:
Tant temporel que prelat leonceaux,
TOLANDAD vaincre. proceres reculer.

115 1565 Octobre.
Du tout changé. persecuter l'vn quatre,
Hors maladie. bien loin mortalité:
Des quatre deux plus ne viendront debatre,
Exil, ruine, mort, faim, perplexité.

116 1565 Nouembre.
Des grands le nombre plus grands ne sera tant.
Grands changement, commotions, fer, peste:
Le peu deuis: prestez, payez contant,
Mois opposite gelée fort moleste.

117 1565 Decembre.
Forte gelée. glace plus que concorde,
Vefues matrones, feu, deploration:
Ieux, esbats, ioye. Mars citera discorde,
Par mariages bonne expectation.

118 1566 Sur ladicte annee.
Aux plus grands mort, iacture d'hôneur. & violence.
Professeurs de la foy, leur estat & leur secte:
Aux deux grâds Eglises diuers bruit, decadêce,
Maux voisins querellâs serfs d'Eglise sâs teste.

119 1565 Ianuier.
Perte, iacture grande, & non sans violence,
Tous ceux de la foy, plus à religion,
Les plus Grands perdrôt vie, leur hôneur & cheuance
Toutes les deux Eglises. la coulpe à leur faction.

120 1566 Feburier.
A deux fort Grandes naistres perte pernitieuse,
Les plus Grands feront perte biens, d'honneur, & de vie,
Tant grâds bruits couriront. l'vrne trop odieuse.
Grands maladies estre. presche, messe en enuie.

121 1566 Mars.
Les seruâts des Eglises leur Seigneurs trahirôt,
D'autres Seigneurs aussi par l'indiuis des châps:
Voisins de presche & messe entre eux querelleront,
Rumeurs, brutits augmenter. à mort plusieurs couchans.

122 1566 Auril.
De tous biens abondance terre nous produira,
Nul bruit de guerre en Frâce, hors mis seditiôs:
Homicides, voleurs par voye on trouuera,
Peu de foy, fieure ardente. peuple en esmotion.

123 1566 May.
Entre peuple discorde, inimitie brutale,
Guerre. mort de grands Princes. plusieurs pars d'Italie:
Vniuerselle playe. plus fort occidentalle,
Tempore bonne & pleine, mais fort seiche & tarie.

124 1566 Iuin.
Les bleds trop n'abonder. de toutes autres fruits force,
L'esté, printemps humides. hiuer long, neige, glace:
En armes l'Orient. la France se renforce,
Mort de bestail prou miel. aux assiegez la place.

125 1566 Iuillet.
Par pestilente & feu fruits d'arbres periront,
Signe d'huile abonder. Pere Denys non gueres:
Des grands mourir. mais peu d'estrangers sailliront,
Insult, marin Barbare, & dangers de frontieres.

126 1566 Aoust.
Pluyes fort excessiues, & de biens abondance,
De besteil pris iuste estre. fêmes hors de dâger:
Gresles, pluyes, tônerres: peuple abatu en Frâce,
Par mort trauailleront. mort peuple corriger.

127 1566 Septembre.
Armes, playes cesser. mort de seditieux,
Le pere Liber grand non trop abondra:
Malins seront saisis par plus malicieux,
France plus que iamais victrix triomphera.

128 1566 Octobre.
Iusqu'à ce mois durer la secheresse grande,
A l'Itale & Prouence. des fruits tous à demi:
Le Grand moins d'ennemis prisonnier de leur bande,
Aux escumeurs, pirates. & mourir l'ennemi.

129 1566 Nouembre.
L'ennemi tant à craindre retirer en Thracie,
Laissant cris, hurlemens, & pille desolée:
Laisser bruit mer & terre. religion mutrie,
Iouiaux mis en route. toute secte affoulée.

130 1567 Sur ladicte annee.
Mort, maladie aux ieunes femmes, rhumes,
De teste aux yeux mal heur marchâds de terre:
De mer infaust. semes mal. vin par brumes,
Prou huile trop de pluye. aux fruits moleste. guerre.

131 1567 Ianuier.
Prisons, secrets: ennuis. entre proches discorde,
La vie on donnera. par mal diuers catarrhes:
La mort s'en ensuiura. poison fera concorde,
Frayeur, poeur, crainte grande. voyageant lairra d'arres.

132 1567 Feburier.
Prisons par ennemis occults & manifestes,
Voyage ne tiendra. inimitié mortelle:
L'amour trois, simultez secret publiques festes,
Le rompu ruine. l'eauë rompra la querelle.

133 1567 Mars.
Les ennemis publics, nopces & mariages,
La mort aprés. l'enrichi par les morts:
Les grands amis se monstrer au passage,
Deux sectes iargôner. de surpris tards remords.

134 1567 Auril.
Par grandes maladies, religion fachée,
Par les enfans & legats d'Ambassade:
Don donné à indigne. nouulle loy laschée,
Biens de vieux peres. Roy en bonne contrade.

135 1567 May.
Du pere au fils s'approche: Magistrats dits seuere,
Les grandes nopces. ennemis garbelans:
De latens mis auant. par la foy d'improperes,
Les bons amis & fêmes contre tels groumelâs

136 1567 Iuin.
Par le thresor, trouué l'heritage du pere:
Les Roys & Magistrats, les nopces, ennemis:
Le public mal-vueillant, les Iuges & le Maire,
La mort, poeur & frayeur. & trois Grands à mort mis.

137 1567 Iuillet.
Encor la mort s'approche. don Royal & legat,
On dressera ce qu'est, par viellesse en ruine:
Les Ieunes hoirs de soupçon nul legat,
Tresor trouué en plastres & cuisine.

138 1567 Aoust.
Les Ennemis secrets seront emprisonnez,
Les Rois & Magistrats y tiendrôt la main seure:
La vie de plusieurs. santé maladie yeux, nez,
Les deux grands s'en iront bien loin à la male heure.

139 1567 Septembre.
Longues langueurs de teste nopce, ennemi,
Par Prelat & voyage. songe du Grand terreur:
Feu & ruine grande trouué en lieu oblique,
Par torrent decouuert sortir noues erreurs.

140 1567 Octobre.
Les Rois & Magistrats par les morts la main mettre,
Ieunes filles malades, & des Grâds corps enfle:
Tout par langeurs & nopces. ennemis serfz au maistre.
Les publiques douleurs. le Côposeur tout enfle.

141 1567 Nouembre.
Du retour d'Ambassade. dô de Roy. mis au lieu
Plus n'en fera: sera allé à DIEV:
Parans plus proches, amis, freres du sang,
Trouué tout mort prés du lict & du banc.